Saturday, January 30, 2010

ബാബേല്‍

ചിതറിപ്പോയ കല്ലും കട്ടയും
ഒന്നൊന്നായടുക്കി
ദിനവും പണിതൊരുക്കുന്നു,
ഒരു ഭവനത്തെ.
നീയുമായി
മല്‍‌സരിക്കാനല്ലെന്ന്
അറിയുമെങ്കിലും
പണി മുഴുമിക്കും മുന്‍പ്
കടപുഴക്കുന്നു നീയതിനെ
നിത്യവും.

എന്തിനാണെന്ന്
ഇന്നും
നിനക്കു ഞാന്‍ സന്ദേശമയക്കുന്നു;
മറുപടിയില്ല.
സ്പാമിലോ ട്രാഷിലോ
ഒരു വട്ടമെങ്കിലും കണ്ടില്ലേ
എന്റെ കത്തുകള്‍?
അല്ലെങ്കില്‍ പിന്നെ
ഒരു സന്ദേശവും
തപാല്‍പ്പെട്ടിയില്‍ വീഴാതവണ്ണം
നീയെന്നെ
ബ്ലോക്ക് ചെയ്തിട്ടുണ്ടാവണം.

ഉറപ്പൊന്നും കിട്ടാത്തതിനാല്‍
പിന്നെയും കത്തെഴുതുന്നുണ്ട്,
എന്നും കാക്കുന്നുണ്ട്,
(കഥ തുടരുന്നുണ്ട്).

2 comments:

റ്റോംസ് കോനുമഠം January 30, 2010 at 2:13 AM  

ഉറപ്പൊന്നും കിട്ടാത്തതിനാല്‍
പിന്നെയും കത്തെഴുതുന്നുണ്ട്,
എന്നും കാക്കുന്നുണ്ട്,

നന്ദാ...
ഒരുപാട് ഇഷ്ടമായീ ഈ വരികള്‍..
www.tomskonumadam.blogspot.com

കുമാരന്‍ | kumaran January 30, 2010 at 3:03 PM  

പ്രതീക്ഷകളുടെ ഹരിതഭംഗികള്‍.